Иҷлосия дар тартиби виртуалӣ аз 13 то 18 декабр аз қароргоҳи Созмон дар Париж баргузор мешавад. Дар он ҳайати Ӯзбекистон, ки муовини Сарвазир, раиси Комиссияи миллии Ўзбекистон оид ба корҳои ЮНЕСКО Азиз Абдуҳакимов раҳбарӣ мекунад, номинатсияи “Санъати бахшӣ”-ро тақдим кард. Дар чорабинӣ видеоролики махсус, ки таърихи рушди бахшигиро дар ҳудуди Ӯзбекистон инъикос менамояд, намоиш дода шуд.
КБҲМФ ворид намудани унсурро ба Рӯйхати репрезентативии мероси фарҳангии ғайримоддии башарият бо ризоияти (консенсуси васеъ) бе ягон баҳс ё овоздиҳӣ тасдиқ кард.
Бинобар ақидаи намояндагони комиссияи арзёбӣ, ин санъат мероси нодири таърихию фарҳангӣ буда, бастаи номинатсионӣ ба тамоми меъёрҳои шомил кардани ин унсури миллӣ ба Феҳристи репрезентативии мероси фарҳангии ғайримоддӣ мувофиқ аст. Қарори қабулшуда ба пурзӯргардонии минбаъдаи чораҳо оид ба нигоҳ доштан, афзун гардондан ва пеш бурдани санъати бахшӣ дар сатҳҳои миллӣ ва байналмилалӣ бо дастгирии наздики ЮНЕСКО мусоидат менамояд.
