Дар оғози мулоқот меҳмони воломақом ба сарвари давлати мо салому таманниёти самимии Президенти Покистон Осиф Али Зардорӣ ва Сарвазир Шаҳбоз Шарифро расонид.
Бо қаноатмандии амиқ рушди муназзами равобити шарикии стратегии Ӯзбекистон ва Покистон қайд гардид.
Ҳаҷми муомилоти дуҷонибаи тиҷоратӣ афзоиш меёбад, шумораи корхонаҳои муштарак ва хатсайрҳои мустақими ҳавоӣ зиёд шуда истодааст, ҳамоишҳои тиҷоратӣ ва намоишгоҳҳо бо иштироки ширкатҳои пешбари ҳар ду кишвар мунтазам баргузор мешаванд.
Ба нақши муҳими парлумонҳо дар таъмини татбиқи босамари созишномаҳо, ки дар ҷараёни сафари таърихии сатҳи олӣ ба Ӯзбекистон ба даст омадаанд, диққати махсус дода шуд.
Аҳамияти суръат бахшидан ба лоиҳаҳо ва барномаҳои афзалиятнок дар соҳаҳои тиҷорату иқтисод, сармоягузорӣ ва нақлиёт, аз ҷумла пешбурди сохтмони долони трансафғонӣ, инчунин густариши ҳамкориҳои байниминтақавӣ ва табодули башардӯстона таъкид гардид.
