Сафар аз зиёрати мақбараи Абу Муин Насафӣ дар ноҳияи Қаршӣ оғоз ёфт. Сурае аз Қуръон қироат карда шуд.
Мутафаккири барҷаста Абу Муин Насафӣ дар асри XI зиндагӣ карда, ҳамчун пайрави таълимоти Мотуридия ва донишманди бузурги ақида, фаъолияти худро ба ҳифзи моҳияти асли ислом ва маърифат бахшидааст.
Бо ташаббуси Президент Шавкат Мирзиёев мақбараи фақеҳ ба маҷмӯи ёдгории обод табдил дода шуд. Сарвари давлат бо корҳои созандагию бунёдкорӣ шинос шуд.
Дар ин ҷо масҷиди нав, музей, китобхона ва биноҳои маъмурӣ сохта шудаанд. Дарахту гул шинонда, боғи зебое бунёд карда шудааст. Дар маҷмӯъ бино ва чоҳи асри XI, масҷиди бостонии асри XIII нигоҳ дошта шудааст.
Президент аз масҷид ва музейи нав дидан кард. Ҳаёт ва фаъолияти Абу Муин Насафӣ дар осорхона бо истифода аз василаҳои чандрасонаӣ ба маърази тамошо гузошта шудааст. Дар ин ҷо дастнависи аслии матни Қуръон, ки дар коғази қадимии Самарқанд навишта шудааст ва оятҳои муқаддаси дар мато гулдузишуда нигоҳ дошта мешаванд.
Шавкат Мирзиёев қайд кард, ки осори олим имрӯз ҳам аҳамияти муҳим дорад, моҳият ва маънии онҳоро ва мардуми мо, ҷавонон расондан лозим аст. Бо ин мақсад пешниҳод шуд, ки дар Донишгоҳи давлатии Қаршӣ маркази илмии ба номи Абу Муин Насафӣ ташкил карда шавад.
