Ҳангоми гуфтушунидҳо ҷонибҳо вазъияти кунунӣ ва дурнамои рушди ҳамкориҳои дуҷонибаро миёни мақомоти ҳифзи ҳуқуқи ду кишвар баррасӣ намуда, самтҳои афзалиятноки ҳамкориро барои ояндаи наздик муайян карданд.
Таъкид гардид, ки муколамаи ба роҳ мондашуда ва тавофуқоти ҳосилшуда ба таҳкими ҳамкории минбаъда дар соҳаи ҳуқуқӣ, инчунин ба таҳкими ҳусни тафоҳуми мутақобила ва шарикии байни Прокуратураҳои генералии ду давлат мусоидат хоҳанд кард.
Прокурори генералии Ҷумҳурии Ӯзбекистон Нигматилло Юлдошев омодагии худро барои тавсеаи фаъолонаи ҳамкорӣ бо мақомоти прокуратураи давлатҳои иштирокдори Иттиҳоди Давлатҳои Мустақил (ИДМ), аз ҷумла бо Прокуратураи генералии Ҷумҳурии Тоҷикистон, дар самтҳое чун рақамисозии фаъолияти мақомоти прокуратура, таҳлили зиддикоррупсионӣ ва мубодилаи таҷрибаи пешқадам изҳор намуд.
