Дар ҷараёни чорабинии оперативӣ аз ҷониби кормандони Хидмати амнияти давлатӣ дар шаҳри Тошканд ду нафар шаҳрвандони Ҷумҳурии Ӯзбекистон ва яктогӣ шаҳрвандони Тоҷикистону Қазоқистон дастгир карда шуданд, ки аз онҳо 12 килою 800 грамм маводи нашъадори «афюн» ва 27 килою 50 грамм маводи нашъадори «ҳашиш» дар тартиби мурофиавӣ мусодира гардид.
Зимни чорабинии оперативӣ ин афрод ба талаби қонунии афсарони ХАД итоат накарда, аз ҷойи ҳодиса фирор карданд.
Қобили зикр аст, ки ин маводи мухаддир, ки ба Ӯзбакистон бо роҳи қочоқ ворид шуда буд, барои интиқол ба кишвари дигар тавассути қаламрави ҷумҳурии мо пешбинӣ шуда буд.
Дар ҳоли ҳозир Раёсати тафтишотии Хидмати амнияти давлатӣ алайҳи ин шаҳрвандон бо моддаҳои дахлдори Кодекси ҷиноӣ парванда боз карда, тафтишот идома дорад.
Аз 15 то 17 декабри соли ҷорӣ дар шаҳри Тошканд ҷаласаи сеюми роҳбарони парлумонҳои давлатҳои Осиёи Марказӣ ва Ҷумҳурии Корея баргузор мешавад.
Корҳои таъмири техникии дар қисми даромадгоҳҳои яктарафаи истгоҳҳои "Ӯзбекистон", "Машинасозлар", "Ғафур Ғулом" ва "Миллий Боғ"-и метрои зеризаминии Тошканд амалигардида ба охир расиданд.
Тибқи маълумоти «Ўзгидромет» ва мувофиқи натиҷаҳои мониторинг, бино ба ҳолати 28 ноябри соли 2025, соати 09:00 миқдори заррачаҳои майдаи дисперсии ҳаво дар шаҳри Тошканд ба таври назаррас кам шудааст.
Консентратсияи заррачаҳои хатарноки майдаи PM2.5 дар ҳавои шаҳри Тошканд беш аз 3 баробар аз меъёрҳои иҷозатдодашуда зиёд аст. Тавсия дода мешавад, ки вақти будубош дар кӯча кам карда, ниқобҳои муҳофизатӣ истифода бурда шаванд.
Ҳокимияти шаҳри Тошканд барои аксбардорӣ ва наворгирӣ ба мақсадҳои реклама ва тиҷорат дар бозор ва марказҳои савдо тартиботи навро тасдиқ кард. Акнун чунин хидматрасонӣ барои ҳар соат 5 миллион сӯм муқаррар гардид.
