Дар ҷараёни мулоқот ба ислоҳоти васеъмиқёсе, ки таҳти раҳбарии Президенти Ӯзбекистон Шавкат Мирзиёев дар кишвар амалӣ мегарданд, баҳои баланд дода шуда, дастгирии комил ва омодагии Дафтари СММ барои мусоидати ҳамаҷониба ба ин равандҳо иброз гардид.
Зикр шуд, ки мубориза бо савдои инсон дар Ӯзбекистон ба сатҳи сиёсати давлатӣ бардошта шудааст. Дар ин самт, дастгирии назарраси Дафтари СММ қайд гардида, итминон изҳор шуд, ки таҷрибаи байналмилалии ин ниҳод дар мубориза бо коррупсия, гардиши ғайриқонунии маводи мухаддир ва савдои инсон ба баландбардории самаранокии механизмҳои миллӣ бо дарназардошти стандартҳои байналмилалӣ мусоидат мекунад.
Дар ҷараёни суҳбат ба нақши парлумон дар мубориза бо коррупсия ва савдои инсон таваҷҷуҳи махсус зоҳир гардид. Ин омил ба ташаккули низоми қонунгузории устувор ва дар сатҳи байналмилалӣ эътирофшуда мусоидат менамояд. Ҳамчунин, таъкид гардид, ки таҷрибаи Ӯзбекистон метавонад ҳамчун намунаи муносиб дар сатҳи байналмилалӣ хидмат кунад.
Қайд гардид, ки фаъолияти Ӯзбекистон дар самти мубориза бо савдои инсон ва меҳнати иҷборӣ, ошкор кардани ҷиноятҳои марбут ва ҷалби гунаҳкорон ба ҷавобгарӣ ба таври назаррас беҳтар шудааст. Дастовардҳо дар самти ҳифзи ҳуқуқи муҳоҷирони меҳнатӣ низ зикр шуданд, ки ин дар баланд шудани мавқеи кишвар дар рейтингҳои байналмилалӣ инъикос меёбад.
Тарафҳо оид ба тақвияти ҳамкорӣ дар истифодаи технологияҳои муосири иттилоотӣ барои пешгирии ҷинояткорӣ ва таҳияи «харитаи роҳ»-и нави ҳамкорӣ барои солҳои 2026–2030 бо дарназардошти таҳдидҳои глобалӣ, аз ҷумла рақамикунонӣ, афзоиши муҳоҷирати меҳнатӣ ва дигар самтҳои афзалиятнок ба мувофиқа расиданд.
