Дар ҷараёни музокирот масъалаҳои густариши ҷараёни сайёҳӣ ва соҳибкорӣ, инчунин таҳкими ҳамкорӣ дар соҳаи авиатсия мавриди баррасӣ қарор гирифтанд. Зикр гардид, ки барои шаҳрвандони Чехия низоми бизнизом амал мекунад ва раванди додани раводидҳои сайёҳӣ барои шаҳрвандони Ӯзбекистон тамоюли мусбат нишон медиҳад, хабар медиҳад АИ «Дунё».
Мартин Татек ба потенсиали баландии сайёҳии фарҳангиву таърихии Ӯзбекистон барои туристони чехӣ ишора кард. Ба гуфтаи ӯ, саёҳаткунандагони чех мероси ғании таърихӣ, инфрасохтори пешрафтаи сайёҳӣ ва сатҳи баланди хизматрасониро қайд карданд. Ӯ ҳамчунин илова намуд, ки Ӯзбекистон ҳамчун самти умедбахш барои доираҳои тиҷоратии Чехия арзёбӣ мешавад.
Иштирокчиёни вохӯрӣ таъкид карданд, ки роҳандозии парвозҳои мунтазами мустақим яке аз муҳимтарин омилҳо барои рушди самараноки ҳамкориҳои сайёҳӣ ва робитаҳои соҳибкорӣ ба ҳисоб меравад. Зикр шуд, ки айни замон аксари мусофирон аз парвозҳои транзитӣ аз тариқи Истанбул истифода мебаранд, ки рақобатпазирии масирро коҳиш медиҳад. Парвозҳои мустақим аз Прага ба Тошканд ба операторони сайёҳӣ ва туристони инфиродӣ имконият медиҳанд, ки сафарҳоро пешакӣ ба нақша гиранд, бастаҳои туристӣ омода созанд ва фаъолияти маркетингиро самаранок анҷом диҳанд.
Ҷониби Чехия ширкати ҳавопаймоии «Uzbekistan Airways»-ро ҳамчун шарики эҳтимолии калидӣ қайд кард, бо вуҷуди ин имконияти ҳамкорӣ бо дигар ширкатҳои ҳавопаймоиро, аз ҷумла хусусӣ, низ боз гузошт. Барои мубоҳисаи минбаъдаи роҳандозии парвозҳо, аввали моҳи март вохӯрии иловагии онлайнӣ бо иштироки фурудгоҳи Прага, ширкати миллии ҳавопаймоӣ ва дигар нақлиётбарони хусусии манфиатдор баргузор мегардад, ки дар он чораҳои ҳавасмандгардонӣ ва шароити парвозҳои мунтазам мавриди муҳокима қарор мегиранд.
