Сөйлесиўлерде туристлер ҳәм исбилерменлер ағымын кеңейтиў, авиация тараўындағы бирге ислесиўди беккемлеў мәселелери додаланды. Чехия пуқаралары ушын визасыз тәртип енгизилгени, Өзбекстан пуқаралары ушын туристлик визалар бериў әмелияты унамлы динамика көрсетип атырғаны атап өтилди, деп хабар береди "Дунё" МА.
Мартин Татек Өзбекстанның мәдений-тарийхый туризми чех туристлери ушын жоқары потенциалға ийе екенин атап өтти. Оның сөзлерине бола, чех саяхатшылары бай тарийхый мийрас, раўажланған туризм инфраструктурасы ҳәм хызмет көрсетиўдиң жоқары дәрежесин атап өтти. Сондай-ақ, ол Өзбекстан Чехия исбилермен топарлары ушын перспективалы бағдар сыпатында баҳаланып атырғанын мәлим етти.
Ушырасыў қатнасыўшылары турақлы тиккелей авиақатнаўлардың жолға қойылғаны туристлик бирге ислесиў ҳәм исбилерменлик байланысларын нәтийжели раўажландырыўда ең әҳмийетли фактор екенин атап өтти. Атап өтилиўинше, ҳәзирги ўақытта жолаўшылардың көпшилиги Стамбул арқалы транзит рейслерден пайдаланбақта, бул болса жөнелистиң бәсекиге шыдамлылығын төменлетпекте. Прага - Ташкент туўрыдан-туўры рейслери туроператорлар ҳәм жеке туристлерге саяхатларды алдыннан режелестириў, туристлик пакетлерди қәлиплестириў ҳәм нәтийжели маркетингти әмелге асырыў имканиятын береди.
Чехия тәрепи «Uzbekistan Airways» авиакомпаниясын потенциал тийкарғы шерик сыпатында атап өтип, басқа авиакомпаниялар, соның ишинде, жеке меншик авиакомпаниялар менен бирге ислесиў имканиятын ашық қалдырды. Пәрўазларды жолға қойыў мәселесин додалаў мақсетинде март айының басында Прага аэропорты, миллий авиакомпания ҳәм мәпдар жеке тасыўшылар қатнасыўында қосымша онлайн ушырасыў өткерилиўи режелестирилген болып, онда турақлы авиақатнаўларды хошаметлеў илажлары ҳәм шәртлери көрип шығылады.
