38,4 фоизи гардиши савдои хориҷии Ҷумҳурии Ӯзбекистон ба мамлакатҳои ИДМ рост омад, ҳиссаи онҳо дар ҳаҷми умумии гардиши савдои хориҷӣ нисбат ба ҳамин давраи соли 2020 7,9 фоиз афзуд.
Гардиши савдои хориҷии дигар кишварҳои хориҷӣ дар моҳҳои январ-сентябри соли 2021 нисбат ба ҳамин давраи соли 2020 8 фоиз кам шуда, ҳиссаи он дар ҳаҷми умумӣ 61,6 фоизро ташкил дод.
Дар баробари ин, содирот 3 770,3 миллион доллар ва воридот 7 057,4 миллион доллари ИМА-ро ташкил дод, хабар медиҳад ӮзА.
Ҳаҷми бештари гардиши савдои хориҷии Ҷумҳурии Ӯзбекистон бо кишварҳои ИДМ ба Федератсияи Русия (47,3 фоиз), Қазоқистон (25,9 фоиз) ва Ҷумҳурии Қирғизистон (6,3 фоиз) рост меояд.
