Ёддошти тафоҳум ва ҳамкорӣ дар чаҳорчӯби Ҳафтаи мероси фарҳангии Ӯзбекистон дар Тошканд аз ҷониби директори Марказ ва раиси раёсати Ҷамъияти умумиҷаҳонии омӯзиш, ҳифз ва оммавӣ гардонидани мероси фарҳангии Ӯзбекистон Фирдавс Абдухолиқов ва директори иҷроияи Маркази "Манара" дар Аморати Муттаҳидаи Араб Бахита Аҳмад Ал-Румайти ба имзо расид.
Қарор аст, ду Марказ, ки ҳадафҳои аслии онҳо таблиғи ғояҳои сулҳ ва таҳаммулпазирӣ мебошанд, дар доираи як қатор лоиҳаҳои муштараки илмию иҷтимоӣ ҳамкорӣ кунанд.
«Барои ман иштирок дар Ҳафтаи мероси фарҳангии Ӯзбекистон ва тамошои Маркази тамаддуни исломӣ шарафи бузург аст. Аморати Муттаҳидаи Араб ва Ӯзбекистон дар тӯли таърих муносибатҳои амиқ доранд. Кишварҳоро мероси умумии исломӣ муттаҳид мекунад. Ва мо ин робитаҳоро минбаъд ҳам мустаҳкам мекунем. Дар Маркази "Манара" мо кӯшиш мекунем, ки ҳамкориро бо Маркази тамаддуни исломии Ӯзбекистон тавассути имзои як ёддошти тафоҳум оид ба ҳамкорӣ дар соҳаи тадқиқот ва фарҳанг, соҳаҳои иҷтимоӣ идома диҳем. Мо аз ин марказ дидан кардем ва на танҳо аз худи бино, балки аз орзую ҳадафҳое, ки ташаббускорони ин мегалоиҳа ба миён гузоштаанд, дар ҳайрат мондем. Ӯзбекистон ҳамеша як маркази фарҳангӣ, макони рушди фалсафаи исломӣ буд”, - қайд мекунад Ар-Румайтӣ.
