Меморандум барои мусоидат ба ҳамкориҳои ду созмон оид ба истифодаи нармафзори замонавӣ ва ҳалли барномавию технологӣ барои табдили рақамии саноати чарм ва пойафзол дар кишвари мо пешбинӣ шудааст. Ҳуҷҷат ҳамкориро дар лоиҳаҳои рақамисозии маҷмӯӣ ва автоматикунонии тамоми соҳаҳои саноат ва равандҳои марбут ба фаъолияти асосии Ассотсиатсия пешбинӣ мекунад.
Ширкати "Digital Holding" инчунин дар асоси таҷрибаи мавҷудаи ҷаҳонӣ дар соҳаи рақамикунонӣ дастгирии машваратӣ мерасонад ва дар таҳия ва навсозии ҳуҷҷатҳои меъёрӣ дар соҳаи чарм ва пойафзол бо истифодаи имконпазири таҷрибаи пешқадами кишварҳои хориҷӣ иштирок мекунад.
Барои маълумот: "Digital Holding" корхонаи муштараки "МегаФон"-и Русия, USM Telecom ва Ҳукумати Ўзбекистон мебошад. Ба ин корхона оператори алоқаи Ucell, New Solutions (собиқ ICS Holding Uzbekistan) ва CRPT Turon шомиланд. Фаолияти КМ ба васеъ гардондани дастрасӣ ва баланд бардоштани сифати хидмати коммуникатсионӣ дар Ҷумҳурии Ӯзбекистон, аз ҷумла аз ҳисоби ташаккул додани инфрасохтори рақамӣ мувофиқи андозаҳои байналмилалӣ, инчунин ҷорӣ кардани технологияҳои пешқадам ва низом ба соҳаҳои нигоҳдорӣ ва коркарди маълумот, тамғагузории рақамӣ ва назорати ҳаракати намудҳои алоҳидаи мол нигаронда шудааст.
