Ба ҳайат намояндагони ширкатҳои бузурги сайёҳии кишварамон низ шомиланд: «Rocket DMC», «Orient star group», «Sonder Voyage», «Uzbekistan Discovery», «Zamin travel», «El mundotour», «Olympic tour», «Advantour», «Asialux Travel», «Dolores», «Samarcanda adventures».

Дар стенди миллии Ӯзбекистон маҳсулоти сайёҳии ширкатҳоямон, ки самтҳои нав ва бастаҳои сайёҳиро дарбар мегиранд, бо мақсади таблиғи потенсиали кишварамон дар хориҷ ва зиёд кардани шумораи сайёҳони хориҷӣ пешниҳод шудаанд.

Дар намоишгоҳ мусиқии миллӣ, фолклор ва рақсҳои ӯзбекӣ васеъ тарғиб мешаванд. Ҳамчунин маводҳое, ки мероси бойи фарҳангӣ ва имкониятҳои сайёҳии Ӯзбекистонро муаррифӣ мекунанд, пешниҳод гардидаанд.

Шоистаи зикр аст, ки ҳайати Ӯзбекистон фаъолона мулоқотҳои B2B ва B2G-ро баргузор менамояд, ки ба рушди ҳамкорӣ бо операторони байналмилалии сайёҳӣ, инчунин музокирот бо роҳбарони ҳайатҳои хориҷӣ ва намояндагони соҳаи ҷаҳонии сайёҳӣ равона шудаанд.

Барои маълумот: «FITUR» як намоишгоҳи байналмилалии сайёҳӣ аст, ки дар маркази намоишии «Ifema» дар шаҳри Мадрид мунтазам баргузор мешавад. Ҳар сол дар ин намоишгоҳ намояндагони ҳамаи бахшҳои соҳаи сайёҳӣ иштирок мекунанд: операторони сайёҳӣ, агентҳои сайёҳӣ, меҳмонхонаҳо, интиқолдиҳандагон, идораҳои сайёҳӣ, ширкатҳои хидматрасонӣ ва ғайра. Ӯзбекистон аз соли 2005 дар намоишгоҳи байналмилалии «FITUR» иштирок мекунад.

Ин чорабинии бонуфуз платформаи наве хоҳад шуд барои таблиғи Ӯзбекистон ҳамчун самти афзалиятноки сайёҳӣ дар Аврупо ва зиёд кардани ҷараёни сайёҳон.

Намоишгоҳи «FITUR» то 26 январ давом хоҳад кард.