Дипломатҳои хориҷӣ, аъзои хонаводаи онҳо ва шаҳрвандони дигар, ки дар Эрон қарор доштанд, тавассути Туркманистон эвакуатсия карда шуданд.
Ба иттилои Вазорати корҳои хориҷии Туркманистон, Туркманистон қаламрави худро барои эвакуатсия таъмин кардааст. Ин кишвар ба шаҳрвандони хориҷие, ки аз Эрон омадаанд, кумакҳои башардӯстона расонидааст.
Ҳудуди 120 нафар шаҳрвандони Қазоқистон, Қирғизистон, Ӯзбекистон, Тоҷикистон, Руминия ва дигар кишварҳо марзи Туркманистонро убур кардаанд. Онҳо бо нақлиёт, хӯрок, хобгоҳ ва чизҳои зарурии ҳарруза таъмин карда шудаанд.
Дар чаҳорчӯби кумакҳои башардӯстона вазоратҳои дахлдори давлатии Туркманистон бо сафоратҳои кишварҳои хориҷӣ ва созмонҳои байналмилалӣ ҳамкории наздик доранд, гуфта мешавад дар гузориш.
Туркманистон содиқ будани худро ба тамоюлҳои башардӯстона, ҳамкориҳои байналмилалӣ ва ҳамсоягии нек дар “Соли сулҳ ва эътимоди байналмилалӣ”, ки Сарассамблеяи СММ бо ташаббуси худ эълон кардааст, таъкид кард.
