Дар он раиси Палатаи савдои Керман Сайид Маҳдӣ Табибзода, сафири Ӯзбекистон дар Ҷумҳурии Исломии Эрон Баҳодир Абдуллоев, раиси Палатаи савдо ва саноати Ӯзбекистон Даврон Ваҳобов, инчунин намояндагони вазорату идораҳои дахлдор ширкат доштанд.

Дар ин дидор масоили тавлиди маҳсулоти фулузӣ, роҳандозии ҳамкориҳои саноатӣ ва иҷрои тарҳҳои муштараки сармоягузории ояндадор миёни ду кишвар баррасӣ шуд.

Дар фарҷоми вохӯрӣ ҷонибҳо ба мувофиқа расиданд, ки кооператсияи мутақобилаи саноатӣ дар самти истеҳсоли маҳсулоти металлӣ роҳандозӣ карда, ҳамкориҳо байни корхонаҳои саноати металлургии ду кишвар фаъол карда ва ҳамчунин имкони татбиқи лоиҳаҳои сармоягузории мутақобилан судманд омӯхта шаванд, хабар медиҳад хидмати матбуоти Палатаи савдо ва саноат.