Дар ҷараёни суҳбат ҷонибҳо масъалаҳои ҷалби маблағгузории хусусиро ба лоиҳаҳои рушди инфрасохтори нақлиётӣ, геология ва рақамикунонӣ баррасӣ карданд.

Ташаббусро Иёлоти Муттаҳида дар нишасти "Ҳафтгонаи бузург" дар моҳи июни соли 2022 пеш гузошта буд. Ҳадаф сафарбар кардани сармоягузорӣ барои рушди зерсохтори босифат дар кишварҳои рӯ ба тараққӣ мебошад.

Дар чаҳорчӯби ин ташаббус Иёлоти Муттаҳида дар тӯли панҷ сол тавассути грантҳо, маблағгузории федералӣ ва сармоягузории бахши хусусӣ то 200 миллиард доллар ҷудо мекунад ва кишварҳои "Ҳафтгонаи бузург" то 600 миллиард доллар саҳм хоҳанд гузошт. Дар татбиқи ташаббус Бонки ҷаҳонӣ ва ширкатҳои хусусии сармоягузорӣ, аз қабили BlackRock, Brookfield ва Global Infrastructure Partners ҷалб шудаанд.

Инчунин оид ба доираи васеи масъалаҳои мубрами ҳамкориҳои дуҷониба, аз ҷумла дар соҳаи сармоягузорӣ ва татбиқи ташаббусҳои муштарак табодули афкори судманд сурат гирифт.

Дар ҷамъбасти вохӯрӣ азми қатъӣ ҷиҳати амиқтар ва густариши минбаъдаи ҳамкорӣ дар тамоми самтҳои баррасишудаи ҳамкориҳои дуҷониба тасдиқ карда шуд.