Масъалаҳои татбиқи меморандуми ҳусни тафоҳум оид ба ҳифзи муҳити зист ва истифодаи оқилонаи захираҳои табиӣ баррасӣ шуданд. Ҳамчунин ба мавзӯъҳои ҳамкорӣ дар самти афзоиши саршумори уриалҳо, дигар ҳайвоноти ваҳшӣ ва паррандагон дар мамнӯъгоҳи давлатии "Ромит" ва манотиқи мухталифи Тоҷикистон, бунёди минтақаҳои муҳофизати фаромарзӣ ва чорабиниҳои муштарак оид ба баланд бардоштани савияи дониши мутахассисон дар соҳаи идоракунии минтақаҳои муҳофизатшаванда ва як қатор масъалаҳои дигар таваҷҷуҳ зоҳир карда шуд.
Баҳодур Шерализода Азиз Абдуҳакимовро ба Конфронси байналмилалии даҳсолаи амал “Об барои рушди устувор, солҳои 2018-2028”, ки моҳи июн дар Душанбе баргузор мешавад, даъват кард.