Дар доираи сафар таҳти ҳамраисии муовини вазири сармоягузорӣ, саноат ва савдои Ҷумҳурии Ӯзбекистон Акрам Алиев ва Мустафо Тӯзҷу ҷаласаи Гурӯҳи кории Ӯзбекистону Туркия оид ба Созишномаи савдои имтиёзнок баргузор гардид.

Ҷонибҳо масъалаи васеъ намудани рӯйхати молҳоеро, ки нисбат ба онҳо низоми имтиёзноки савдо татбиқ мешавад, дар асоси баробарӣ баррасӣ намуда, пас аз натиҷаҳои даври сеюми музокирот ба ҳамдигарфаҳмӣ расиданд.

Аз рӯи натиҷаҳои ҷаласа протоколи мувофиқашуда ба имзо расид, ки дар он мувофиқаҳо оид ба ворид намудани мавқеъҳои иловагии молӣ бо дарназардошти манфиатҳои мутақобилаи ҷонибҳо сабт шудаанд.

Қарорҳои қабулшуда ба рушди савдои дуҷониба, афзоиши ҳаҷми содироту воридот ва расидан ба ҳадафи гардиши мол миёни ду кишвар дар ҳаҷми 5 миллиард доллари ИМА мусоидат хоҳанд кард.