Дар ин рӯзҳо намояндагони Вазорати рушди варзиш ва Кумитаи миллии олимпии Ҷумҳурии Ӯзбекистон дар шаҳри Қуния бо сафари корӣ қарор доранд. Яке аз ҳадафҳои асосии сафар шиносоӣ бо инфрасохтори шаҳр, ки мизбони мусобиқоти муҳими дар пешистода мебошад, шароите, ки барои варзишгарон фароҳам оварда шудааст, масофаи байни иншоотҳо, Деҳаи олимпӣ мебошад.
Тибқи нақшаи таҳиякардаи роҳбарияти вазорат ва кумита, дар Бозиҳои V ҳамраъйии исломӣ, ки аз 9 то 18 август баргузор мешавад, ҳайати Ӯзбекистонро ҳудуди 270 варзишгар дар 23 намуд аз 27 намуди варзиш, ки ба барномаи стартҳои бонуфуз дохил карда шудаанд, намояндагӣ мекунанд. Дар маҷмӯъ, дар мусобиқаи дарпешистода иштироки ҳудуди 3500 варзишгар аз 54 кишвар дар назар аст. Аз ин рӯ, ҷамъоварии маълумоти зарурӣ дар самтҳои дар боло зикршуда барои фароҳам овардани қулайии ҳадди аксар барои ҳайати миллӣ дар рафти мусобиқот муҳим аст.
Ҳоло ҳамаи командаҳои яккачини ҷумҳурӣ ба ин мусобиқаҳои мураккаб тайёрии зур дида истодаанд. Мувофиқи нақшаи наве, ки бо ҳайати мураббиёни ҳар як федератсия тартиб дода шудааст, дар асоси дастуру супоришҳои шахсони масъул то моҳи август барои худи мусобиқаҳо ҳолати варзишии варзишгарон ба дараҷаи баланд бардошта мешавад.
Шаҳри Қуния, ки 7500 сол дорад, дар ҳоли ҳозир беш аз 2 миллион нафар зиндагӣ мекунад. Шаҳр дар баландии зиёда аз 1000 метр аз сатҳи баҳр ҷойгир буда, иқлимаш континенталӣ мебошад. Гуфта мешавад, ки дар моҳи август дар шаҳр ба ҳисоби миёна 22-25 дараҷа гарм мешавад. Бешубха, гуфтан мумкин аст, ки инҳо барои гузаронидани мусобиқаҳо аз рӯи ҳар намуди спорт шароити хеле мусоид мебошанд.
Зимни сафар гурӯҳи корӣ аз иншоотҳои варзишии асосӣ, ки дар он маросими ифтитоҳ ва пӯшидашавии Бозиҳо, тирпарронии деворӣ, варзиши сабук, шиноварӣ, баскетбол, велодром дидан карда, бо шароит шинос шуданд.
