Зимни мулоқот П. Лилерт таъкид кард, ки Ӯзбекистон яке аз аввалин кишварҳоест, ки созишномаҳои байналмилалиро оид ба муҳоҷирати глобалӣ, бехатар, танзимшуда ва мунтазам дастгирӣ кардааст. Он ҳамчунин ба конференсияи байналмилалӣ таҳти унвони «Чолишҳои ҷаҳонӣ дар мубориза бо савдои инсон: нақши ҷомеа ва ҳамкории байналмилалӣ», ки 30 июл аз ҷониби Комиссияи миллӣ оид ба мубориза бо савдои инсон ва меҳнати шоиста дар остонаи Рӯзи ҷаҳонии мубориза бо савдои инсон ташкил гардида буд, баҳои баланд дод.
Дар мулоқот масъалаҳои дастгирии ҳамватанон, ки муваққатан дар хориҷи кишвар фаъолияти меҳнатӣ доранд ва оилаҳои онҳо, инчунин таҳкими ҳамкорӣ дар мубориза бо савдои инсон мавриди баррасӣ қарор гирифтанд.
Ҳамчунин оид ба такмили қонунгузорӣ ва андешидани чораҳои зарурие, ки ба таъмини шуғли шаҳрвандони Ӯзбекистон ва ҳифзи манфиатҳои онҳо дар доираи равандҳои ҷаҳонии муҳоҷират равона шудаанд, табодули афкор сурат гирифт.
