12 май ҶС «Шабакаҳои миллии барқи Ӯзбекистон» ва Ширкати давлатии миллии энергетикии Тоҷикистон «Барқи тоҷик» созишнома ва шартномаи дахлдор ба имзо расониданд.
Ширкати "Шабакаҳои миллии барқи Ӯзбекистон" ёдовар шуд, ки Ӯзбекистон аз соли 2018 ба хотири нигоҳ доштани тавозуни манбаъҳои энергетикӣ ва обӣ дар Ӯзбекистон ва бефосила бо нерӯи барқ таъмин кардани истеъмолкунандагон воридоти неруи барқро аз Тоҷикистон таҷдид кард.
Тибқи маълумоти ширкат, Ӯзбекистон дар ҳаҷми зерин неруи барқ ворид кардааст:
аз апрел то сентябри соли 2018 - 1,48 млрд кВт/соат;
аз апрел то октябри соли 2019 - 1,425 миллиард кВт/соат;
аз моҳи май то сентябри соли 2020 - 566,7 млн.
Тибқи мактуби ширкати «Барқи тоҷик» аз 13 июли соли 2020 аз 16 июли соли 2020 бинобар 50 фоиз кам шудани сатҳи оби дарёи Вахш ва дар НБО Норак нисбат ба соли 2019 10 метр кам шудани об интиқоли неруи барқ ба Ӯзбекистон қисман боздошта шуда буд.
Пас аз он Ӯзбекистон аз Тоҷикистон дар ҳаҷми зерин неруи барқ ворид кард:
дар моҳҳои май-сентябри соли 2021 - 1,146 млрд кВт/соат;
дар моҳҳои апрел-сентябри соли 2022 - 823,2 млн кВт/соат.
Мувофиқи маълумоти Агентии омор, Ӯзбекистон дар моҳҳои январ-марти соли 2023 истеҳсоли неруи барқро нисбат ба ҳамин давраи соли гузашта 5 фоиз - аз 19,5 миллиард то 18,5 миллиард кВт/соат коҳиш додааст.
