Зимни суханронӣ ҳайати Ӯзбекистон устувории мавқеи кишварамонро дар самти муколамаи созанда, таҳкими ҳамкории минтақавӣ ва рушди ҳамкории бисёрҷониба таъкид кард. Ҳамчунин зикр шуд, ки барқарорсозии эътимод ва рафъи фурӯпошии амиқе, ки имрӯз дар муносибатҳои байналмилалӣ мушоҳида мешавад, аз масъалаҳои ниҳоят муҳим ба ҳисоб меравад.
«Дар шароити афзоиши танишҳои геосиёсӣ, низоъҳои мусаллаҳона, таҳдидҳои киберӣ ва хавфҳои иқлимӣ, ки ҳарчи бештар аз марзҳои миллӣ фаротар мераванд, ниҳодҳои байналмилалӣ, аз ҷумла САҲА, бояд барои иҷрои самараноки вазифаҳои калидии худ боз ҳам тақвият дода шаванд», — таъкид намуд Бахтиёр Саидов.
Роҳбари Вазорати корҳои хориҷӣ ҳамчунин аз дастгирии Ӯзбекистон нисбат ба ташаббусҳое, ки ба ислоҳоти САҲА равона шудаанд, изҳори назар кард. Ба гуфтаи ӯ, ин ислоҳот барои баланд бардоштани самаранокии созмон, ҳифзи хусусияти фарогирӣ ва таҳкими иқтидор дар муқовимат бо таҳдидҳои муосир муҳим мебошанд.
Дар суханронии худ вазир инчунин ба дигаргуниҳои мусбат дар Осиёи Марказӣ ишора намуд, ки имрӯз ба минтақаи эътимод, муколама ва ҳамкории мутақобилан судманд табдил меёбад.
«Дар ҳашт соли охир ба туфайли талошҳои муштараки кишварҳои минтақа муяссар гардид як қатор мушкилоти дерина ҳал карда шаванд, равандҳои ҳамгироии иқтисодӣ суръат гиранд ва пайвастагии нақлиётӣ ба таври назаррас тақвият ёбад», — изҳор дошт Бахтиёр Саидов.
