Дар доираи лоиҳаи нави озмоишӣ 40 мутахассиси соҳаи кишоварзӣ барои
корҳои мавсимӣ ба Италия фиристода мешаванд.
Иштирокчиёни лоиҳа дар давоми ду моҳ забони итолиёвиро омӯхта,
аз омӯзишу омодагии зарурӣ гузаштанд. Онҳо аз 1 октябр дар ташкилоти итолиёии SALVI ба корҳои коркарди меваю
сабзавот машғул мешаванд.
Кори мавсимӣ ба шаҳрвандон имкон медиҳад, ки дар муҳлати
муайян ба таври қонунӣ кор карда, даромад ба даст оранд ва таҷрибаи байналмилалӣ
касб намоянд. Пас аз анҷоми кор онҳо метавонанд ба Ӯзбекистон баргашта, дониш
ва малакаҳои андӯхтаи худро дар фаъолияти минбаъда истифода баранд.
Бар асоси натиҷаҳои лоиҳаи озмоишӣ дар назар аст, ки
шумораи шаҳрвандони ба Италия барои кор ба таври муташаккилона фиристодашаванда
марҳила ба марҳила зиёд карда, самтҳои нави шуғл низ роҳандозӣ шаванд.
