Павилони атлас ва адрас, ки маҳсулоти корхонаҳои ӯзбекистонии "SILK VATS" ва "Crafts Studio Ikat Uz", Маркази таълимии рушди ҳунармандии "ИКАТ", инчунин Маркази рушди ҳунарҳои Марғелонро муаррифӣ намудааст, шавқу ҳаваси тамошобинони намоишгоҳро бедор кард.
100 фоиз табиӣ будани матоъ бо нақшу нигори миллии маҳсулоти дастӣ яке аз омилҳое буд, ки таваҷҷӯҳи иштирокчиёни намоишгоҳро ба атлас ва адрасҳои ӯзбекӣ ҷалб кард.
Аз павилон зиёда аз 1500 нафар намояндагони ҳайатҳои Тоҷикистон ва хориҷӣ аз Иттиҳоди Аврупо, Чин, Таиланд, Ҳиндустон, Эрон, Афғонистон ва ғайра дидан карданд, иттилоъ медиҳад хидмати матбуоти ПСС.