Бо фармонҳои дахлдори Президенти Ҷумҳурии Ӯзбекистон таъйинотҳои нав амалӣ гардиданд:
Ҷасур Шавкатович Салихов ба вазифаи ректори Академияи сиёсати давлатӣ ва идоракунии назди Президенти Ҷумҳурии Ӯзбекистон таъйин гардид.
Гулноза Сайдиганихӯҷаевна Исмоилова ба вазифаи директори иҷроияи Фонди «Эл-юрт умиди» оид ба омода намудани кадрҳои перспективии назди Президенти Ҷумҳурии Ӯзбекистон таъйин шуд.
Бо Фармони Президенти Ҷумҳурии Ӯзбекистон Ташпулатов Азиз Анварович, ки қаблан вазифаи сардори Сарраёсати корҳои дохилии шаҳри Тошкандро бар уҳда дошт, ба вазифаи вазири корҳои дохилии Ҷумҳурии Ӯзбекистон таъин гардид.
Бо қарори дахлдори Маҷлиси иҷроияи Кумитаи миллии паралимпии Ӯзбекистон Мирзиёева Шаҳноза Шавкатовна ба вазифаи муовини якуми раиси Кумитаи миллии паралимпии Ӯзбекистон интихоб шуд.
Шӯрои депутатҳои халқи шаҳри Тошканд дар иҷлосияи ғайринавбатии 3 апрели соли равон Шавкат Умурзоқовро ҳокими шаҳри Тошканд тасдиқ кард. Дар ин бора хидмати матбуоти ҳокимияти пойтахт хабар медиҳад.
Дар пойтахти Белорус Сафири Фавқулода ва Мухтори Ӯзбекистон Раҳматулло Назаров ба вазифаи худ шурӯъ кард, ки аз соли 2021 инҷониб кишвари моро ба ҳайси мушовири сафоратхона, кордори муваққатӣ намояндагӣ мекард.
