Дар ҳудуди деҳаи Хӯҷакент маҳаллаи «Қаронқул» ноҳияи Бӯстонлиқ қитъаи замин бо масоҳати 50 гектар барои сохтмони пойгоҳи машқӣ барои шахсони дорои маъюбият, ки бо намудҳои мутобиқшудаи варзиш дар сатҳи касбӣ машғуланд, ҷудо карда шудааст.
Қарори дахлдор аз ҷониби ҳокими вилоят ба имзо расид.
Ин пойгоҳи машқӣ тибқи Қарори Президент «Дар бораи чораҳои иловагӣ барои такмили системаи барқарорсозии ҷисмонии шахсони дорои маъюбият тавассути ҷалби онҳо ба варзиш» ташкил карда мешавад.
Дар вилояти Тошканд барои машғул шудан ба 14 намуди параварзиш шароит фароҳам оварда шудааст. Тақрибан 500 нафар шахсони дорои маъюбият мунтазам ба намудҳои гуногуни варзиш машғул мешаванд.
Як қатор тадбирҳо барои густариши имкониятҳо дар ин соҳа андешида мешаванд. Аз ҷумла, ташкил намудани гурӯҳҳо ва сексияҳои намудҳои мутобиқшудаи варзиш дар мактабҳои давлатии варзишӣ, мутобиқсозии майдончаҳои варзишӣ дар маҳаллаҳо барои машғулияти шахсони дорои маъюбият дар назар аст.
