Ба иттилои миллии иттилоотии Қирғизистон «Кабар», чорабинии дарпешистода таҳти раёсати раиси Девони вазирони Ҷумҳурии Қирғизистон - раиси Шӯрои байниҳукуматии Авруосиё Оқилбек Жапаров баргузор мешавад.
Дар чорабинӣ сарони ҳукуматҳои кишварҳои узви Иттиҳоди иқтисодии Авруосиё, кишварҳои нозир, раиси ҳайати Комиссияи иқтисодии Авруосиё ва ҳамчунин сарони ҳукуматҳои кишварҳои даъватшуда ширкат хоҳанд кард.
Ба рӯзномаи ҷаласа ташкили бозори умумии газ барои иттиҳодияи ҳамгироӣ, маблағгузории ҳамкориҳои саноатӣ, танзими бозори машрубот ва таъсиси Ширкати бозсуғуртакунии Авруосиё ворид шудаанд. Илова бар ин, дар ҳошияи форум як қатор вохӯриҳои дуҷониба ва бисёрҷонибаи сатҳи баланд доир мешаванд.
Илова бар ин, рӯзҳои 25-26 августи соли 2022 дар ҳошияи Шӯрои байниҳукуматии Авруосиё аввалин Форуми ҷавонони ИДМ ва Иттиҳоди иқтисодии Авруосиё баргузор мегардад, ки дар он зиёда аз 200 нафар иштирокчиён аз кишварҳои ИДМ ва ИИАО иштирок мекунанд.
Ҳамоиш, ки фаъолони ҷавонон, хизматчиёни давлатӣ ва дипломатҳои нави кишварҳои узви ИИАО ва ИДМ-ро гирд овардааст, ба тавсеаи равандҳои ҳамкории ҷавонони кишварҳои иттиҳод ва ИДМ, фароҳам овардани имкониятҳои нав барои ҷавонон, амалӣ гардондани ташаббуси чавонон, худшиносии иҷтимоӣ ва касбии насли наврас нигаронда шудааст.
