Дар чорабинӣ инчунин масъулини шӯъбаҳои дахлдори ВССХ, намояндагони сафорати Ҷумҳурии Ӯзбекистон дар Куриёи Ҷанубӣ, вазорату идораҳои манфиатдор ва мақомоти маҳаллӣ ширкат варзиданд.
Содиркунандагон бо тадбирҳои аз ҷониби ҳукумат ҷиҳати дастгирии содироти маҳсулоти Ӯзбекистон ба бозорҳои хориҷӣ андешидашуда, инчунин дурнамои назарраси афзоиши савдо дар соҳаҳои гуногун, аз ҷумла саноати нассоҷӣ, кимиё ва хӯрокворӣ шинос карда шуданд.
Бо дарназардошти ташкили миссияҳои тиҷории мутақобила ва намоишгоҳҳои саноатӣ зарурати барқарор кардани муносибатҳои наздик ва эътимодбахши доираҳои тиҷоратии ду кишвар қайд карда шуд.
Намояндагони доираҳои тиҷоратии ватанӣ барои ширкат дар миссияи тиҷорӣ бо иштироки тақрибан 200 намояндаи ширкатҳои кореягӣ, ки аз 3 то 7 июли соли ҷорӣ дар Ӯзбекистон баргузор мешавад, даъват шудаанд. Дар доираи миссия баргузор намудани анҷуманҳои тиҷоратӣ дар Тошканд, вилоятҳои Тошканд ва Сирдарё, мулоқотҳои дуҷониба дар шакли "B2B" ва "B2G", инчунин боздид аз корхонаҳои бузурги саноатии кишварамон ба назар гирифта шудааст.
Дар натиҷаи мулоқот оид ба мунтазам баргузор намудани чунин чорабиниҳо тавофуқ ҳосил шуд, хабар медиҳад хидмати матбуоти Вазорати сармоягузорӣ ва савдои хориҷии Ҷумҳурии Ӯзбекистон.
