Арзиши лоиҳае, ки ҶММ «NBA ALLIANZ» амалӣ мекунад, 13 миллион долларро ташкил медиҳад, ки 5,5 миллион доллари он сармоягузории мустақими хориҷӣ мебошад. Лоиҳаи мазкур, ки ба барномаи маҳаллигардонии истеҳсоли маҳсулоти воридшаванда шомил мебошад, соле ба истеҳсол намудани 30 ҳазор тонна намудҳои гуногуни ба содирот нигарондашудаи картон пешбинӣ шудааст. Дар баробари ин, ҳаҷми содирот на камтар аз 5 миллион долларро ташкил медиҳад.
Дар натиҷаи роҳандозии лоиҳа 80 ҷойи нави корӣ таъсис дода шуд. Дар семоҳаи якуми соли 2023 корхона ба нақша гирифтааст, ки фаъолияташро васеъ гардонда, иловагӣ 70 ҷойи нави корӣ созмон диҳад, хабар медиҳад хидмати матбуоти Вазорати сармояҳо ва савдои хориҷии Ҷумҳурии Ӯзбекистон.
