Зане бо се фарзанди ноболиғаш, ки дар ҳолати душвори зиндагӣ қарор доштанд, ба Ӯзбекистон баргардонида шуданд. Пештар зан муваққатан дар Маркази нигаҳдории муваққатии шаҳрвандони хориҷӣ ҷойгир шуда буд, фарзандони ӯ бошанд, таҳти назорати доимии Консулгарии генералӣ дар яке аз муассисаҳои иҷтимоии Новосибирск қарор доштанд, хабар медиҳад АИ «Дунё».
Бо шарофати амалҳои фаврии Консулгарии генералӣ ва намояндагони Агентии муҳоҷират, дар давоми ду рӯз ҳамаи масъалаҳои ташкиливу ҳуҷҷатӣ, ки бо бозгашти оила ба Ӯзбекистон вобаста буданд, ҳал карда шуданд. Ҳамчунин, чиптаҳои ҳавопаймо харидорӣ гардида, ҳамроҳии оила то фурудгоҳ таъмин карда шуд.
Кормандони Консулгарии генералӣ кӯдакони ноболиғро аз хонаи кӯдакон ба фурудгоҳи байналмилалии Новосибирск оварданд, ки он ҷо онҳо тавонистанд бо модари худ вохӯранд.
Оилаи аз нав ба ҳам омадаи ҳамватанон бо хатсайри ҳавоии «Новосибирск — Тошканд» ба Ӯзбекистон парвоз карданд.
