Ифтитоҳи ин муассисаи нав қадами муҳим дар самти боэътимоди низоми эмгузаронӣ дар кишвар аст, ки талошҳои ҳукуматро барои беҳбуди саломатии модару кӯдак ва некӯаҳволии миллат дастгирӣ хоҳад кард.
- Саломатии кӯдакон ва пешгирии бемориҳо аз авлавиятҳои аввалиндараҷаи ҳукумати Ӯзбекистон аст, аз ин рӯ, ифтитоҳи сардхонаи ҳаҷман васеъ хеле саривақтӣ аст, - гуфт Беҳзод Мӯсоев, вазири тандурустии Ӯзбекистон. - Ин анбор ҳамчун маркази логистикӣ барои тамоми барномаи миллии эмкунӣ хидмат хоҳад кард ва қобилияти моро дар таъмин ва идоракунии ваксинаҳо афзоиш медиҳад. Мехостам ба шарикони байналмилалии мо ва пеш аз ҳама ба ЮНИСЕФ барои кӯмакашон дар таҳкими низоми занҷири сард дар Ӯзбекистон ташаккур гӯям», - гуфт ӯ.
Дар анбори ҷумҳуриявии занҷири сард тамоми навъҳои ваксинаҳои дар айни замон мавҷудбуда нигоҳ дошта мешавад. Он дар масоҳати қариб 1000 м2 бо се яхдон (дар ҳарорати 2-8°С), яхдонҳои ултрасард (бо ҳаҷми 3000 литр), яхдонҳо (40 м3) барои нигоҳ доштани ваксинаҳо ва 1000 м2 анбори хушк барои маводи ёрирасон барои эмкунӣ муҷаҳҳаз шудааст.
Иншоот инчунин дорои мошинҳои борбардори барқӣ, саройҳои док, платформаҳои ҳамвор ва борбардорҳо барои интиқоли зуд ва самараноки бор мебошад, ки ба ду шабакаи барқ пайваст карда шуда, то таъминоти бефосилаи барқ бо генератори пурқудрати дизелии эҳтиётӣ муҷаҳҳаз шудаанд.
- Мавҷудияти низоми хубфаъолиятдоштаи интиқол ва занҷири сард барои самарабахшии барномаи эмкунии миллӣ муҳим аст, - мегӯяд директори минтақавии ЮНИСЕФ оид ба мамлакатҳои Аврупо ва Осиёи Марказӣ Афшон Хон. - ЮНИСЕФ аз он хушнуд аст, ки бунёди ин иншоотро, ки ба кори беисти тамоми системаи таъминоти миллӣ ва занҷири сарди Ӯзбекистон мусоидат мекунад ва барои дигар кишварҳои минтақа намуна хоҳад буд, дастгирӣ карда тавонист», - гуфт ӯ.
Аз соли 2017 ЮНИСЕФ сохтмони ҷамъ 21 анбори ваксинаҳоро дар тамоми Ӯзбекистон дастгирӣ намуд. Он инчунин мошинҳои яхдон, контейнерҳои ваксина ва ҳуҷраҳои хунукро тақдим карда, дар омӯзиши кадрҳо ва омода кардани дастурҳои зарурӣ барои истифодабарии иншоот кӯмак расонд.
ЮНИСЕФ дастгирии ҳукумати Ӯзбекистонро дар таҳкими тавонмандиҳои миллӣ ва маҳаллӣ дар соҳаи идоракунӣ, банақшагирӣ, мониторинг ва арзёбии занҷирҳои таъминот ва занҷири сард дар доираи Барномаи ҳамкории кишвар барои солҳои 2021-2025 идома медиҳад.
