Чорабинии мазкур аз ҷониби Вазорати корҳои хориҷии Ӯзбекистон, Маркази тадқиқоти сиёсати хориҷӣ ва ташаббусҳои байналмилалӣ, инчунин Донишгоҳи ҷаҳонии иқтисодиёт ва дипломатия дар ҳамкорӣ бо Кумитаи иҷроияи ИДМ ташкил карда шуд, хабар медиҳад АИ «Дунё».

Дар конфронс ҳамчунин намояндагони марказҳои таҳлилии пешрафтаи кишварҳо, аз қабили Озарбойҷон, Арманистон, Белорус, Қазоқистон, Қирғизистон, Русия, Тоҷикистон, Туркманистон ва ғайра гирди ҳам омада, масъалаҳои кунунии ҳамкориҳо дар доираи ИДМ-ро баррасӣ карданд. Ҳадафҳои асосии чорабинӣ таҳлили амиқи равандҳои минтақа, омӯзиши дурнамо ва имкониятҳои амалинашуда, инчунин арзёбии хатарҳои эҳтимолии рушди устувор буданд.

Муовини вазири корҳои хориҷӣ Бобур Усмонов зимни суханронии худ қайд кард, ки Ӯзбекистон ба ҳамкорӣ дар ИДМ, иштироки фаъолона дар равандҳои ҳамгироӣ аҳамияти хоса медиҳад. Аз соли 2017 то соли 2023 сарвари давлатамон 90 ташаббус пешниҳод карда буд, ки беш аз 80-тои онҳо амалан амалӣ гардиданд. Ӯзбекистон ба 24 санади бисёрҷониба ҳамроҳ шуда, дар 65 сохтори ИДМ ширкат дорад.

Зимни баҳс коршиносон ба ҳамкориҳои иқтисодӣ ва гузариши "сабз", аз ҷумла ҳамкориҳои саноатӣ, тиҷорат, нақлиёт, энергетика ва амнияти озуқаворӣ ва ҳамкориҳои фарҳангӣ таваҷҷуҳ зоҳир карданд. Масъалаҳои асосӣ, аз қабили тақсими оқилонаи захираҳои об, бахусус дар Осиёи Марказӣ, инчунин зарурати андешидани тадбирҳои ҳамаҷонибаи ҳалли мушкилоти экологии байниминтақавӣ низ баррасӣ шуданд.

Зимнан зикр гардид, ки дар доираи «Соли ҳаракати ихтиёрон» ва барномаи «Пойтахтҳои фарҳангии кишварҳои ИДМ» шаҳри Самарқанд дар соли 2024 пойтахти фарҳангӣ эътироф гардид, ки ин бори дигар аҳамияти табодули фарҳангӣ ва ҳамкориҳои кишварҳои муштаракулманофеъро ҷонибдорӣ мекунад.

Конфронси дар Тошканд барпогардида дар самти таҳкими ҳусни тафоҳум ва ҳамкории давлатҳои аъзои ИДМ, кушодани уфуқҳои нав барои кори муштарак дар соҳаҳои гуногун қадами муҳим буд.