Дар он ҳайатҳои вазоратҳои корҳои дохилӣ ва бехатарии ҷамъиятии кишварҳои узви СҲШ, кишварҳои нозири СҲШ ва созмонҳои байналмилалӣ, аз ҷумла ИНТЕРПОЛ, Раёсати СММ оид ба маводи мухаддир ва ҷинояткорӣ, Бюрои ҳамоҳангсозии мубориза бо ҷиноятҳои муташаккил ва дигар амудҳои хатарноки ҷиноятҳо дар ҳудуди давлатҳои аъзои ИДМ ва Маркази зиддитеррористии ИДМ ширкат мекунанд.
Бино ба иттилои хидмати матбуоти Вазорати корҳои дохилии Ҷумҳурии Ӯзбекистон, дар рӯзномаи ҷаласа баррасии масъалаҳои амнияти байналмилалӣ ва минтақавӣ, рушди минбаъдаи ҳамкорӣ дар соҳаи гардиши ғайриқонунии воситаҳои нашъадор ва моддаҳои психотропӣ, муқовимат ба терроризм, экстремизм ва сепаратизм, мубориза бар зидди ҷиноятҳои муташаккили фаромиллӣ ва ғайра дар назар аст.
Дар доираи чорабинӣ ҳамчунин мулоқотҳои дуҷониба бо сарони ҳайатҳо барои баррасии масъалаҳои беҳбуди ҳамкориҳои байналмилалӣ ба нақша гирифта шудааст.
