Бояд гуфт, ки ин банки давлатӣ таҷибаи 75-сола дорад. Идораи марказӣ дар Франкфурт ҷойгир аст. Ин ниҳод барои рушди иқтисодӣ ва иҷтимоии кишварҳои шарик кумаки молиявӣ мерасонад.
Бино ба иттилои маркази матбуотии вазорати тандурустӣ, якҷо бо ширкати KfW дар Ӯзбекистон дар бахши тандурустӣ, таҷдиди муассисаҳои тиббӣ, таъмини таҷҳизоти замонавӣ, таъмини манбаъҳои алтернативии барқ ва таҳсилоти тиббӣ як қатор лоиҳаҳои сармоягузорӣ ва грантӣ амалӣ мешаванд.
Дар хотимаи мулоқот дар бораи оғози лоиҳаи «Модернизатсияи омодакунии кадрҳои тиббӣ ва таҳсилоти иловагӣ дар шаҳри Тирмиз» созишномаи муҳим ба имзо расид.
Лоиҳа омӯзиши касбӣ ва такмили ихтисоси кормандони соҳаи тибро дар асоси стандартҳои пешрафтаи олмонӣ пешбинӣ мекунад.
Кадрҳои тиббӣ бо роҳи таъмин намудани техникуми тиббии шаҳри Тирмиз бо таҷҳизоти зарурӣ, аз он ҷумла таҷҳизоти имитатсионӣ тайёр карда мешаванд
