Ин на танҳо як натиҷаи таърихӣ аст, ки таваҷҷуҳи доимии ҷаҳонӣ ба кишвари моро тасдиқ мекунад, балки нишондиҳандаи самаранокии ислоҳотҳои соҳаи сайёҳӣ низ мебошад.
Дар муқоиса бо ҳамин давраи соли 2024 шумораи сайёҳони хориҷӣ тақрибан 20% афзоиш ёфтааст, ки барои соҳа як дастоварди муҳими стратегӣ ба шумор меравад.
Масалан, дар моҳи апрели соли 2025 Ӯзбекистон бори аввал дар таърихаш дар як моҳ зиёда аз 1 миллион сайёҳи хориҷиро қабул кард ва моҳи май рекорди нав гузошта шуд — тақрибан 1,1 миллион нафар. Дар моҳи июн низ кишвари мо тақрибан 1,1 миллион сайёҳро пазироӣ намуд.
Афзоиш идома дорад, ки ин самараи корҳо оид ба беҳтар намудани имиҷи кишвар, васеъ кардани низоми бераводид, ҷалби сармоягузорӣ ба соҳа ва иштироки фаъоли Ӯзбекистон дар намоишгоҳҳо, форумҳо ва роуд-шоуҳои байналмилалии сайёҳӣ мебошад.
Дар пеш вазифаҳои боз ҳам бузургтар мавҷуданд. Дар оянда ба тавсеаи намуди хизматрасониҳои сайёҳӣ, ки ба стандартҳои байналмилалӣ ҷавобгӯ бошанд, диққати махсус дода мешавад.
Ба рушди сайёҳии экологӣ ва устувор аҳамияти ҷиддӣ дода мешавад — ин самтҳо дар бозори ҷаҳонӣ ҳарчи бештар талабот пайдо карда истодаанд.
