Аз ҷониби Оҷонсии мубориза бо коррупсия доир ба анҷоми соли 2024 Индекси шаффофият нашр карда шуд.
Дар арзёбии имсол шумораи ниҳодҳои давлатӣ, ки ба тоифаи “сабз” баҳогузорӣ шудаанд, дар муқоиса бо соли гузашта 21 дарсад афзоиш ёфта, идораҳои категорияи “сурх” 15 дарсад камтар шудааст. Таҳлилҳо нишон медиҳанд, ки натиҷаҳои рейтинги имсола ба ҳисоби миёна 70 баллро ташкил дода, нисбат ба соли 2023 8 балл зиёд шудааст.
Баландтарин нишондиҳандаҳои босамарро ҶС комбинати маъдани кӯҳӣ ва металлургии Олмалиқ (91 балл), Кумитаи андоз (90 балл), ҶС «Ўзавтосаноат» (89 балл) ва ҶС комбинати маъдани кӯҳӣ ва металлургии Навоӣ (89 балл) ба даст оварданд.
Беҳтарин рушди мусбат аз тарафи ҶС «Uzbekistan Airvays» (+42 балл), Инспексияи назорати нақлиёт (+46 балл), Вазорати варзиш (+47 балл), Вазорати сохтмон ва коммунали хонаву ҷой (+52 балл) қайд карда шуд.
Барои маълумот: Индекс дар асоси 8 нишондиҳанда, ки аз 84 меъёри арзёбӣ иборат аст, ташаккул меёбад. Дар арзёбии имсола фаъолияти ҷамъ 98 макомоти иҷроияи ҷумҳуриявӣ – вазорату кумитаҳо, оҷонсӣ ва инспексияҳо ва мақомоти маҳаллии ҳокимияти давлатӣ фаро гирифта шуд.
Аз рӯи натиҷаҳои арзёбӣ 50 мақомоти давлатӣ нишондиҳандаҳои самаранокии «сабз» (дар соли 2023 ҷамъ 31-то), 35-то «зард» (43) ва 13-то «сурх» (29) ба қайд гирифта шудаанд.
Бо натиҷаҳои ниҳоӣ метавонед тавассути линки https://index.aca.uz/rating шинос шавед.