Дар ҷараёни музокирот ҷонибҳо масъалаҳои мубодилаи таҷрибаи пешқадами байналмилалӣ дар соҳаи амнияти киберӣ, ташкили машварату омӯзишҳо оид ба нигоҳдории бехатари маълумот, ошкор ва безарар гардондани таҳдидҳои кибериро баррасӣ намуданд.
Ба масъалаи баҳодиҳӣ ва санҷиши лоиҳаҳои стартапӣ, мутобиқати онҳо ба талаботи амниятӣ ва меъёрҳои техникии ҷаҳонӣ таваҷҷуҳи хос зоҳир гардид.
Ҳамчунин дар рафти вохӯрӣ дурнамои дар Ӯзбекистон татбиқ намудани ҳалли ба зеҳни сунъӣ асосёфта, низомҳои автоматиконидашудаи мониторинг, алгоритмҳои муайянсозии таҳдид ва технологияҳои муосири рамзгузорӣ муҳокима шуд.
Дар натиҷаи музокирот ҷонибҳо оиди ба роҳ мондани шарикии стратегию дарозмуддат байни Ӯзбекистон ва ширкати «Palo Alto Networks», татбиқи барномаҳои нав ҷиҳати таҳкими амнияти киберӣ, рушди ҳалли инноватсионӣ ва тайёр кардани мутахассисони баландихтисос дар ин соҳа ба мувофиқа расиданд.
