Сафорати Ҷумҳурии Ӯзбекистон дар Федератсияи Русия ҳамватанонро бо қоидаҳои амалкунандаи истифодаи гувоҳномаҳои миллии ронандагӣ дар ҳудуди Русия хабардор кард.
Тибқи маълумоти сафорат, бар асоси тағйиротҳои ба қонунгузории Русия воридшуда, гувоҳномаҳои миллии ронандагии Ӯзбекистон барои идора кардани василаи нақлиёт бо мақсадҳои шахсӣ расман эътироф карда мешаванд. Яъне, шаҳрвандон метавонанд ҳангоми идора кардани худравҳои шахсии худ аз гувоҳномаи миллии Ӯзбекистон истифода намоянд.
Ҳамчунин, барои фаъолиятҳои ронандагии касбӣ дар ҳудуди Русия — ба монанди таксӣ, интиқоли бор, мусофиронкашонӣ ва дигар хизматрасониҳои тиҷоратӣ доштани гувоҳномаи ронандагии Русия ҳатмист. Ронандагони хориҷие, ки мехоҳанд ба чунин фаъолиятҳо машғул шаванд, бояд аз имтиҳон ва дигар марҳилаҳои расмии муқарраргардида гузаранд.
Сафорат зикр кард, ки бо идораҳои марбутаи Русия дар тамоси доимист ва ҳамватанонро дар бораи ҳамаи навгониҳое, ки ба ҳуқуқ ва манфиатҳои онҳо дахл доранд, сари вақт огоҳ хоҳад кард.
