«Ҳафтаи чорум аст, ки пайи ҳам дараҷаи сироятёбӣ аз COVID-19, бо афзоиши шумораи гирифторон, ба ҷуз, як минтақаи СУТ дар саросари ҷаҳон меафзояд. Пас аз даҳ ҳафта коҳиши сатҳи фавт низ меафзояд», - гуфт ӯ дар маросими ифтитоҳи ҷаласаи Кумитаи ҳолатҳои фавқулодаи СУТ оид ба арзёбии вазъ бо COVID-19 дар ҷаҳон.
Ба гуфтаи Гебрейесус, сабаби асосии афзоиши ҳолатҳои нави SARS-CoV-2 штамми "дельта" мебошад, ки он нисбат ба нусхаи аввалааш ду маротиба сирояткунандатар аст, хабар медиҳад РИА Новости.
"Он аз афзоиши ҳамкориҳои иҷтимоӣ ва ҳаракати одамон, инчунин истифодаи номунтазами тадбирҳои санҷидашудаи иҷтимоӣ ва ҷамъиятӣ дар соҳаи нигаҳдории тандурустии ҷамъиятӣ маншаъ мегирад", - афзуд ӯ.
Ҳамзамон, директори генералии СУТ зикр намуд, ки дар минтақаҳои сатҳи эмкуниашон баланд камшавии сироятҳо ва фавт аз вирус ба назар мерасад.
Кумитаи ҳолатҳои фавқулоддаи СУТ дар ҳар се моҳ барои муайян кардани сатҳи хатари паҳншавии COVID-19 ҷамъ меоянд. Тибқи қарори кумита, ин беморӣ ҳоло вазъи фавқулоддаи солимии ҷамъиятӣ мебошад, ки боиси нигаронии байналмилалӣ шудааст.
Интизор меравад, ки кумита пас аз ҷамъбасти ҷаласа 15 июл барои СУТ дастурҳои нав пешниҳод мекунад.
Созмони умумиҷаҳонии тандурустӣ чаҳор штамми SARS-CoV-2 -ро ҳамчун "нигаронкунанда" номбар кардааст: алфа (бритониёӣ), бета (африқои ҷанубӣ), гамма (бразилиягӣ) ва дельта (ҳиндӣ). Охирин, ба гуфтаи коршиносон, нисбат ба нусхаи аслии SARS-CoV-2-и уханӣ ду маротиба зарарноктар буда, ҳамзамон мутатсия мешавад. Ба наздикӣ дар бораи пайдоиши варианти делта-плюс маълум шуд.
Тибқи маълумоти СУТ, дар ҷаҳон 187 миллион гирифторони COVID-19 муайян карда шудааст. Тибқи омори Донишгоҳи Ҷон Ҳопкинс, шумораи онҳо ба 188 миллион нафар наздик мешавад. Зиёда аз чор миллион нафар фавтидаанд.
