Сар задани зукоми парранда саршумори ҳайвонот, аз ҷумла паррандаҳои хонагӣ, паррандаҳои ёбоӣ ва баъзе ширхӯронро хароб карда, ба фермерон ва тиҷорати маъводи ғизо зарар расонд, хабар медиҳад ТАСС.
"Дар ҳоле ки ин хуруҷҳо асосан ба ҳайвонот таъсир мерасонанд, онҳо барои одамон хатари доимӣ доранд" - гуфта мешавад дар гузориш.
Созмони умумиҷаҳонии тандурустӣ, ФАО ва СУҲСҲ таваҷҷуҳро ба афзоиши шумораи сироятёбӣ дар ширхӯрон ҷалб карданд, ки онҳо "аз ҷиҳати биологӣ ба одамон нисбат ба паррандагон наздиктаранд" ва ин "нигарониҳоро ба вуҷуд меорад, ки вирус метавонад ба одамон осонтар мутобиқ шавад".
Дар соли 2022 67 кишвари ҷаҳон ба Созмони ҷаҳонии саломатии ҳайвонот дар бораи хуруҷи шадиди патогенӣ дар байни паррандаҳои хонагӣ ва ёбоӣ хабар доданд. Дар айни замой дар фермаҳо дар раванди нобудкунӣ бештар аз 131 миллион cap мург нобуд шуданд ё нест карда шуданд. Дар соли 2023, боз 14 кишвар дар бораи хуруҷи зукоми паррандаи H5N1 - асосан дар Амрикои Шимолӣ ва Ҷанубӣ хабар доданд.