Ба андешаи ӯ, ҳоло қисми зиёди ваксинаҳо бояд ба кишварҳои фақиртарин расанд. Ҳамин тариқ, ноил шудан ба ҳадафе, ки Созмони умумиҷаҳонӣ пеш гузоштааст, имконпазир хоҳад буд - то охири моҳи сентябр ҳадди аққал 10% аҳолии тамоми кишварҳои ҷаҳон эм карда шавад, хабар медиҳад euronews.
Тедрос Адханом Гебрейесус, директори генералии СУТ: "Мо наметавонем ва набояд таҳаммул кунем, ки дар ҳоле ҳифзнашуда боқӣ мондани одамони осебпазири ҷаҳон кишварҳое, ки қаблан аксари захираҳои глобалии ваксинаҳоро истифода кардаанд, аз ин ҳам бештар истифода мекунанд".
Бо вуҷуди ин, Олмон, Фаронса, Бритониёи Кабир ва Исроил аллакай нақшаҳои ҷорӣ кардани вояи сеюми ваксинаро эълон кардаанд. Дар Фаронса, эмкуниҳои тақвиятдиҳанда дар байни гурӯҳҳои осебпазири аҳолӣ, ба монанди пиронсолон, бояд дар тирамоҳ оғоз шаванд. Дар Маҷористон ваксинаҳои пурқувват аз 1 август оғоз шуданд. Олмон тасмим дорад ин марҳиларо аз 1 сентябр ва Бритониё аз 6 сентябр оғоз кунанд.
Дар ҳамин ҳол Иёлоти Муттаҳида пешниҳоди Созмони умумиҷаҳонии тандурустиро дар бораи моратория ба ваксинаҳои зидди коронавирус дастгирӣ накард. Котиби матбуоти Кохи сафед Ҷен Псаки онро "интихоби нодуруст" номид ва гуфт, ки Иёлоти Муттаҳида метавонад аҳолии худро бо вояи сеюми ваксина таъмин кунад, инчунин онро ҳамчун кӯмак ба кишварҳои камбизоат фиристад.
Дар ҳоли ҳозир дар ҷаҳон беш аз 4 миллиард ваксина гузаронида шудааст. Бо ин зиёда аз 80% ваксинаҳо ба кишварҳои даромадаш баланд ва миёна сарфи назар аз ба онҳо рост омадани камтар аз нисфи аҳолии сайёра расиданд.
