Мувофиқи ҳуҷҷат аз ҷониби Фонди таҷдид ва рушд ба ҳокимияти пойтахт 584 миллиард сўм ҷудо карда мешавад. Маблағ барои рушди инфрасохтори маҳаллаҳо, таъмиру ободонии роҳҳои дохилӣ, пиёдагардҳо, иншооти муҳандисӣ ва коммуникатсияи маҳаллаҳое, ки дар давраи якбора паст шудани ҳарорати ҳаво зарар дидаанд, равона карда мешавад.
Аз ҳисоби воситаҳои мазкури қарзӣ ҳокимияти Тошканд ба ҳар як маҳалла барои бартараф намудани мушкилоти ба миёномада 1 миллиард сӯмӣ ҷудо мекунад.
Вобаста ба пасгардонии маблағ, ҳокимият бояд 200 миллиард сӯмро аз манбаъҳои иловагии буҷаи маҳаллии Тошканд дар семоҳаи чоруми соли 2023, боқимондаи 384 миллиард сӯмро бошад, дар тӯли чор семоҳаи соли 2024 дар ҳисааи баробар баргардонад, хабар медиҳад АИ "Дунё".
Илова бар ин, Президенти Ӯзбекистон ба ҳокимиятҳои ноҳияҳои шаҳри Тошканд супориш дод, ки якҷоя бо раисони маҳаллаҳо дар маҷлисҳои Шӯрои вакилони халқи ноҳия номгӯи лоиҳаҳои татбиқшавандаи рушди инфрасохторро, ки барои татбиқи онҳо аз маблағҳои ҷудошуда истифода бурда мешаванд, баррасӣ ва тасдиқ намоянд.
