Дар ҷараёни будубош дар пойтахти Ҷопон Сарвари давлати мо бо Императори Ҷопон Нарухито, Сарвазир Санаэ Такаичи, роҳбарони ҳар ду палатаи Парлумон, фаъолони Лигаи дӯстии парлумонӣ бо Ӯзбекистон, аъзои Ҳукумат, шаҳрдори шаҳри Нара, инчунин бо ректорони донишгоҳҳои пешрафтаи Ҷопон мулоқоту музокирот анҷом дод.
Масъалаҳои густариши ҳамкории амалии дуҷониба ва ҳамкории бисёрсамта дар соҳаҳои сиёсӣ, тиҷоратию иқтисодӣ, сармоягузорӣ ва фарҳангию гуманитарӣ ба таври муфассал баррасӣ гардиданд.
Дар доираи қисми кории барномаи сафар форуми соҳибкорӣ ва мулоқотҳои дуҷониба бо роҳбарони ширкатҳои бузурги ҷопонӣ ва муассисаҳои молиявӣ баргузор шуд.
Натиҷаи асосии сафар ба имзо расидани Изҳороти муштараки роҳбарони ду кишвар дар бораи шарикии стратегии густаришёфта барои наслҳои оянда буд, ки муносибатҳои ӯзбекистонӣ–ҷопониро ба сатҳи сифатан нав мебарорад.
Бастаи муҳими созишномаҳо дар соҳаҳои маориф, тандурустӣ, ҳифзи муҳити зист, захираҳои об, нақлиёт, шаҳрсозӣ, сайёҳӣ, кишоварзӣ ва коҳиши хатари офатҳои табиӣ қабул гардид.
Президенти Ӯзбекистон ҳамчунин дар нахустин саммити Муколамаи «Осиёи Марказӣ + Ҷопон» иштирок намуда, дар он суханронӣ намуда, як қатор ташаббусҳои муҳими рушди минбаъдаи ҳамкорӣ дар ин форматро пешниҳод кард.
Дар натиҷаи саммит Эъломияи Токио қабул шуд.
Дар доираи барномаи сафар дар шаҳри Токио Рӯзҳои фарҳанги Ӯзбекистон баргузор гардиданд, ки консертҳои устодони санъат, намоишгоҳи аксҳои «Ӯзбекистони Нав» ва намоиши маҳсулоти ҳунарҳои мардумиро дар бар гирифтанд.
Пас аз анҷоми чорабиниҳо дар Ҷопон Президенти Ӯзбекистон бо сафари корӣ ба Федератсияи Русия барои иштирок дар ҷаласаи қарибулвуқӯъи Шӯрои олии иқтисодии Авруосиё ва саммити ғайрирасмии роҳбарони Иттиҳоди Давлатҳои Мустақил рафт.
Дар фурудгоҳи байналмилалии «Ҳанэда» меҳмони олимақомро вакили Парлумони Ҷопон Мунео Судзуки, муовини вазири корҳои хориҷӣ Отсуру Тэтсуя ва дигар шахсони расмӣ гусел намуданд.
