Дар наздикии Тайван заминларзаи 7,5 дараҷа рух дод

    Воқеаҳо 3 Aprel 2024 4167

    Субҳи чаҳоршанбе дар наздикии Тайван заминларзаи 7,5 дараҷа рух дод, ларзишҳо дар ҷазираҳои Окинава ва Миякои Ҷопон эҳсос шуда, барои минтақа хатари сунамӣ эълом шуд. Дар ин бора агентии метеорологии Япония хабар дод.

    Зарба соати 07:58 ба вақти маҳаллӣ (02:58 ба вақти Маскав) рух дод. Идораи метеорологии Тайван онро 7,2 арзёбӣ кардааст. Ба гуфтаи ин департамент, манбаъ дар умқи 15,5 км ва маркази заминларза тақрибан 25 км аз шаҳри Ҳуалян буд.

    Баъди чанд дақиқа дар Тайван заминларзаи навбатии 6,6 дараҷа рух дод. Хадамоти Тайван онро 6,5 арзёбӣ кардааст. Маркази зилзила дар 12,7 км аз шаҳри Ҳуалян қайд шуда, манбаъ дар умқи 5,5 км ҷойгир будааст.

    Сипас, ба гуфтаи департаменти Ҷопон, боз чанд зилзила дар шарқи Тайван ба вуқӯъ пайваст, ки шиддаташ то 6,3 дараҷаро ташкил додааст.

    Бино ба маълумоти сейсмологҳои Тайван, заминларзаҳои шиддаташ то 6,2 дараҷа мушоҳида шудаанд. Дар натиҷа, чанд бино дар Хуалян осеб диданд, аз ҷумла, яке аз онҳо сахт ба паҳлӯ афтид, менависад TVBS.

    Бино ба маълумоти пешакӣ, заминларза дар Тайван 4 нафар ҳалок ва 97 нафар маҷрӯҳ шуданд, менависад China Times.

    No date selected
    May 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates