O'zbekiston, Turkmaniston va Qoraqalpog'iston Respublikasi xalq artisti Bobomurod Hamdamov 1940 yilda Turkmanistonning CHorjo'y shahrida tug'ilgan. U o'zbek milliy qo'shiqchilik san'atining rivojlanishida salmoqli hissa qo'shib, bir nechta o'lmas asarlar yaratdi va tomoshabinlar olqishiga sazovor bo'ldi.
"Bobomurod Hamdamov buyuk hofiz Komiljon Otaniyozovning munosib izdoshi edi. Uning qo'shiqlari va ijodi o'zbek san'atining «oltinfondi»ga kiritilgan bo'lib, yorqin xotirasi muxlislar qalbida mangu yashaydi. Madaniyat vazirligi jamoasi marhumning oila a'zolari va yaqinlariga hamdardlik bildiradi», deyiladi xabarda.
