Gidrometeorologiya xizmati maʼlumotlariga koʻra, 2–5-iyul kunlari yurtimizga janubdan juda issiq ob–havo oqimi kirib kelishi natijasida anomal issiq kuzatildi.

Shunday jazirama ob–havo sharoitida, “103” xizmatiga 247 459 ta chaqiriq kelib tushgan. Ulardan 172 676 tasi — shoshilinch holatlar, 65 163 tasi esa surunkali kasalliklar bilan bogʻliq murojaatlardir.

Mutasaddilarning bildirishicha, aholi orasidagi targʻibot va tavsiyalar tufayli chaqiriqlar soni oldingi haftaga nisbatan 1,2 foizga kamaygan.