Hozirgi vaqtda karbonat angidrid konsentratsiyasi sanoatdan oldingi davrga qaraganda 50 foizga yuqori. Jahon meteorologiya tashkiloti ma'lumotlariga ko'ra, bunday holat Yerda 3-5 million yil davomida kuzatilmagan.
Yana ikkita asosiy issiqxona gazlari, ya'ni metan va azot oksidi konsentratsiyasi ham oshdi. Tashkilotning ta'kidlashicha, ko'plab mamlakatlarning emissiyalarni kamaytirishga qaratilgan sa'y-harakatlariga qaramay, issiqxona gazlarining o'sishi tendensiyasining “chegarasi ko'rinmaydi”. Bu global isish va ekstremal ob-havo hodisalari ham kuchayishini anglatadi.
Olimlarning ta'kidlashicha, isishning eng yomon oqibatlarini oldini olish uchun ko'mir iste'molini hozirgidan yetti barobarga kamaytirish kerak.
Tashkilot hisobotida aytilishicha, 1990-yildan 2022-yilgacha atmosferadagi issiqxona gazlarining issiqlik ta'siri 50 foizga oshgan. Ushbu ko'rsatkichning 80 foizi karbonat angidrid hisobiga yuzaga kelmoqda.
2022-yilda metan konsentratsiyasining oshgani ham qayd etilgan.
2022-yilda azot oksidining o'sishi rekord darajaga yetdi. Issiqxona gazi o'g'itlardan ortiqcha foydalanish, o'simlik va sanoat chiqindilarini yoqish oqibatida hosil bo'ladi, deb xabar beradi mir24.tv.
