2030-yilgacha fuqaro aviatsiyasi sohasini rivojlantirishning asosiy maqsadli koʻrsatkichlari etib quyidagilar belgilandi, jumladan:
- havo transportida xizmat koʻrsatilgan yoʻlovchilar sonini 24 million nafarga yetkazish;
- xalqaro va mahalliy yoʻnalishdagi parvozlar sonini 200 mingtaga yetkazish;
- Oʻzbekiston Respublikasi rezident aviakompaniyalari havo kemalari parkini 180 taga yetkazish.
2026-yil 1-yanvardan boshlab “Oʻzaviatsiya” agentligini saqlash uchun Davlat byudjetidan ajratmalar bekor qilinadi.
2025-yil yakuni va kelgusi yillar uchun “Oʻzaeronavigatsiya” markazi DUK sof foydasidan Fuqaro aviatsiyasi agentligini rivojlantirish jamgʻarmasiga yoʻnaltiriladigan 20 foiz ajratma bekor qilinadi.
