Respublika taʼlim markazi va «TRANSFORMERS Education» oʻquv markazi hamkorlikda Texnologiya fani oʻqituvchilarining mexatronika-robototexnika boʻyicha bilim va koʻnikmalari oshirish maqsadida bepul 3 oylik “Mexatronika – robototexnika” onlayn oʻquv kursini oʻqitish dasturini ishlab chiqqani haqida xabar berilgan edi. 

Oʻquv kursini tashkil etish yuzasidan oʻtkazilgan soʻrovnoma natijalariga koʻra, 75% Texnologiya fani oʻqituvchilari onlayn kurslar tashkil etish taklifini bildirgan.

Koʻp sonli oʻqituvchilar takliflarini inobatga olgan holda, “Mexatronika – robototexnika” onlayn oʻquv kursiga start berildi.

Onlayn oʻquv kursiga roʻyxatdan oʻtish uchun quyidagi manzilga murojaat qiling: @RTM_Texnologiya_malaka_oshirish 

Roʻyxatga olish 25-noyabr kuniga qadar davom etadi.

Oʻquv kursining birinchi darsi Texnologiya fanining maqsad vazifalariga bagʻishlangan ochiq dars tarzida oʻtkaziladi. Soʻng dars oluvchilar telegram ijtimoiy tarmogʻida maxsus guruhlarga boʻlingan holda, Zoom platformasi orqali oʻquvlarni davom ettiradilar. Darslar platformalarda ishtirokchilar bilan ikki tomonlama aloqa oʻrnatilib, zarur savollarga munosabat bildirilgan holda tashkil etiladi.