Joriy yilning yetti oyida Oʻzbekiston 432 ta elektromobil import qilgan, bu 2020-yilning shu davriga nisbatan 364 taga koʻpdir, deya maʼlum qildi Davlat statistika qoʻmitasi.
Birgina iyul oyida 164 ta elektromobil yetkazib berildi. Spot maʼlumotlariga koʻra, avvalgi uch yilda mamlakatga 183 ta elektromobil import qilingan (shundan 2020-yilda 131 ta, 2019-yilda 39 ta).
Ular asosan Xitoydan import qilinadi — 388. Ulardan keyin Turkiya (24), AQSH (6), Koreya Respublikasi (5) va Germaniya (4) bormoqda.
Narx jihatidan, elektromobillar importi yil boshidan buyon 7,7 million dollarni tashkil etdi.
PlugShare maʼlumotlariga koʻra, hozirda Oʻzbekistonda elektromobillar uchun 25 ta quvvatlovchi shoxobcha mavjud. Spotning aniqlik kiritishicha, oʻtgan yili ular soni 3 ta boʻlgan, 2019-yilda esa — 0 ta. Bunday stansiyalar birinchi boʻlib Fargʻonada paydo boʻlgan va hozirda Toshkentda butun boshli tarmoq yaratilmoqda.
Elektromobillar importiga aksiz va boj undirilmaydi. May oyida deputatlar Soliq kodeksiga sotib olingan va vaqtincha olib kelingan elektromobillarni avtomobil yigʻimidan ozod qilish toʻgʻrisidagi oʻzgartishlar kiritishni muhokama qilgan edilar.
