9-sinf bitiruvchilariga 3 tagacha akademik litseyning mos yoʻnalishini tanlash imkoniyati taqdim etilishi mumkin

    Bu haqdagi qaror loyihasi muhokamaga qoʻyildi.

    Hujjat loyihasiga koʻra:

    — abituriyentlarga roʻyxatdan oʻtishda uchtagacha akademik litseyning taʼlim tili bir xil boʻlgan bittadan mos yoʻnalishini tanlash imkoniyati beriladi;

    — abituriyent oʻzi tanlagan hududda (Qoraqalpogʻiston Respublikasi, viloyatlar markazi yoki Toshkent shahrida) tashkil etiladigan kirish test sinovlarida ishtirok etadi;

    — fan olimpiadalari, tanlovlar gʻoliblari va umumtaʼlim fanlarini oʻzlashtirish sertifikatiga ega boʻlganlar uchun imtiyozlar qoʻllanadi.